Þú ert hér://Segðu mömmu að mér líði vel

Segðu mömmu að mér líði vel

Höfundur: Guðmundur Andri Thorsson

Guðmundur Andri Thorsson er einn snjallasti rithöfundur þjóðarinnar og fáir kunna betur þá list að skapa með fáum dráttum andrúmsloft þar sem margar sögur krauma undir. Segðu mömmu að mér líði vel er ljúfsár saga um ástina í öllum myndum – og það sem skiptir mestu máli í lífinu.

Við kysstumst. Svo losaði hún sig mjúklega úr faðminum, brosti til mín og lyfti hendinni í kveðjuskyni áður en hún settist upp í bílinn. Ég man að við horfðumst í augu og ég sagði eitthvað um að ég ætlaði að kaupa bjúgu í kvöldmatinn – eins og ég gerði stundum – hrossabjúgu – og hún gretti sig glaðlega yfir þreyttu gríni og sagðist ekki vita hvort hún kæmi í mat, hún myndi hringja

En það dregst að Kata hringi og á meðan fer Einar í göngutúr með Pjatta, rifjar upp sambandið við fröken Suðurlandsbraut og hlakkar til árlegrar veiðiferðar í Hálogaland með gömlum vinum. Hann hugsar um Kötu og son hennar og son sinn, um pabba sinn sem hann hefur búið með alla tíð – drykkfelldan saxófónleikara í Danshljómsveit Binna Frank sem gerði garðinn frægan á árum áður – og um mömmu sína, söngkonu og sveitastúlku frá Hálogalandi, um samofin örlög þessa fólks og lífsins gang … Allt þar til síminn gellur og ekkert er sem áður.

Guðmundur Andri Thorsson er löngu kunnur fyrir skáldsögur sínar, þýðingar, greinaskrif og þáttagerð í útvarpi.

Frá 990 kr.

Gerð SíðurÚtgáfuárVerðMagn
Innbundin1522008 Verð 2.580 kr.
Rafbók-2016 Verð 990 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / / /

6 umsagnir um Segðu mömmu að mér líði vel

  1. Kristrún Heiða Hauksdóttir

    „Segðu mömmu að mér líði vel er hagleikssmíði … sérstaða [höfundarins] er hafin yfir allan vafa.“
    Hjalti Snær Ægisson / Víðsjá

  2. Kristrún Heiða Hauksdóttir

    „Guðmundi Andra hefur tekist að beita húmor til að skrifa um sígildan sannleika með fáguðum hætti.“
    Fríða Björk Ingvarsdóttir / Morgunblaðið

  3. Kristrún Heiða Hauksdóttir

    „ … hér er um að ræða vel skrifaða, skemmtilega og viðkunnanlega bók.“
    Vigdís Þormóðsdóttir / Fréttablaðið

  4. Kristrún Heiða Hauksdóttir

    „Les nýja bók Guðmundar Andra fyrir kettina. Við mölum allir sem einn yfir snilldinni. Himneskur stíll!“
    Hrafn Jökulsson

  5. Kristrún Heiða Hauksdóttir

    „Þetta er fallega skrifuð skáldsaga … hann skrifar eins og engill, manni líður vel þegar maður les þetta, skilur eftir ljúfa tilfinningu …“
    Kolbrún Bergþórsdóttir / Kiljan

  6. Kristrún Heiða Hauksdóttir

    „Hann er rosalegur stílisti. Það er unun að lesa texta eftir Guðmund Andra … mjög ánægjuleg lesning.“
    Egill Helgason / Kiljan

Skrifa umsögn

Netfang þitt verður ekki birt. Nauðsynlegir reitir eru merktir *

Eftir sama höfund