Þú ert hér://Baróninn

Baróninn

Höfundur: Þórarinn Eldjárn

Árið 1898 kom til Íslands franskur aðalsmaður: barón Charles Gauldrée Boilleau, stórættaður heimsborgari og hámenntaður listamaður. Hann vonaðist til að finna sjálfan sig í íslenskri sveit, órafjarri umbrotum heimsmenningarinnar. Fyrr en varði hafði hann keypt sér kostajörðina Hvítárvelli í Borgarfirði og hafði þar búskap; götuheitið Barónsstígur í Reykjavík vitnar um að þar kom hann einnig við.

Stórbrotnar hugmyndir hans féllu ekki allar í frjóan jarðveg og brátt varð ljóst að háleitir draumar hans og íslenskur veruleiki áttu illa saman – nútíminn var ekki kominn til Íslands.

Hver var þessi maður og hvað gekk honum til? Baróninn er söguleg skáldsaga í sérflokki, áhrifamikil og margbrotin heimildaskáldsaga um baróninn á Hvítárvöllum eins og Íslendingar hafa jafnan kallað þennan dularfulla mann.

 

Frá 990 kr.

Gerð SíðurÚtgáfuárVerðMagn
Innbundin3092004 Verð 2.065 kr.
Kilja3092005 Verð 990 kr.
Rafbók-2016 Verð 990 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / / / / / / / /

2 umsagnir um Baróninn

  1. Bjarni Guðmarsson

    „Baróninn er frábærlega vel skrifuð bók og söguleg skáldsaga eins og þær gerast bestar. En hún er fleira en skáldsaga. Að minnsta kosti situr lesandinn eftir með þá tilfinningu að hann skilji ýmsa hluti betur eftir að hann er búinn að ljúka sögunni um Hvítárvallabaróninn.“
    Jón Ólafsson/Morgunblaðið

  2. Bjarni Guðmarsson

    „Það er óhætt að fullyrða að fáir verði sviknir af því að lesa Baróninn og upplifa þær tvíbendu tilfinningar sem kvikna við lesturinn. Því þótt sagan sé harmræn kemst maður ekki hjá því að hrífast og gleðjast yfir þessari sagnfræði Þórarins Eldjárns, blandinni dásamlegri lygi.“
    Hjalti Snær Ægisson/skyjaborgir.blogspot.com

Skrifa umsögn

Netfang þitt verður ekki birt. Nauðsynlegir reitir eru merktir *

Eftir sama höfund