Þú ert hér://Einvígið: Erlendur #1 (2011)

Einvígið: Erlendur #1 (2011)

Höfundur: Arnaldur Indriðason

Sumarið 1972 er Reykjavík í uppnámi; heimsmeistaraeinvígið í skák er að hefjast í Laugardalshöll og bærinn fullur af útlendingum. Kalda stríðið er í algleymingi og fulltrúar austurs og vesturs fylgja sínum mönnum, Spassky og Fischer, að taflborðinu. Meðan undirbúningurinn stendur sem hæst fer meinlaus unglingspiltur í bíó og verður fyrir fólskulegri árás. Lögreglan er önnum kafin en Marion Briem, sem stýrir rannsókn málsins, einsetur sér að skilja það einvígi sem þarna er háð með lífið að veði.

Í fimmtándu skáldsögu Arnaldar Indriðasonar mynda sannsögulegir atburðir rammann um grípandi frásögn af hörmulegri mannfórn. Enginn íslenskur höfundur hefur notið viðlíka vinsælda og Arnaldur síðustu ár, hér heima jafnt sem erlendis. Bækur hans hafa verið þýddar á tugi tungumála, selst í milljónum eintaka og hlotið frábæra dóma hvarvetna. Breska stórblaðið The Guardian hefur sett nafn hans efst á lista yfir bestu evrópsku sakamálahöfunda samtímans.

Bækurnar um Erlend Sveinsson rannsóknarlögreglumann eru hér tölusettar eftir innri tímaröð sögunnar, Einvígið: Erlendur #1 gerist árið 1972 en Furðustrandir: Erlendur #14 2005. Útgáfuár bókanna eru innan sviga.

ATH. Hljóðbókin er aðeins til á geisladiski (CD eða Mp3) sem er afhentur í pósti eða sóttur í Bókabúð Forlagsins. Hér má finna hljóðbækur okkar sem eru aðgengilegar rafrænt í streymi.

Frá 990 kr.

Gerð SíðurÚtgáfuárVerðMagn
Innbundin3172011 Verð 3.100 kr.
Kilja3172012 Verð 2.375 kr.
HljóðbókMp32011 Verð 1.695 kr.
Rafbók-2011 Verð 990 kr.

6 umsagnir um Einvígið: Erlendur #1 (2011)

  1. Nanna Rögnvaldardóttir

    „Arnaldur skrifar betur en nokkur annar íslenskur glæpasagnahöfundur.“
    Kolbrún Bergþórsdóttir / Morgunblaðið

  2. Nanna Rögnvaldardóttir

    „… mjög fallega og vel gert hjá Arnaldi eins og er yfirleitt alltaf með hans verk. … hann er kominn með þau tök á skáldsagnaforminu að hann getur gert nánast hvað sem hann vill í því.“
    Páll Baldvin Baldvinsson / Kiljan

  3. Nanna Rögnvaldardóttir

    „Mjög vel gert.“
    Egill Helgason / Kiljan

  4. Nanna Rögnvaldardóttir

    „Arnaldur kann þá list að vefa glæpasögu … Staðsetning sögunnar í tíma er snilldarlega unnin … Spennandi og heilsteypt saga …“
    Friðrika Benónýs / Fréttablaðið

  5. Nanna Rögnvaldardóttir


    „Uppbygging Einvígisins er eins og best verður á kosið … og fléttan í lokin er frábær auk þess sem endirinn kemur skemmtilega á óvart. Glæpasögur gerast ekki betri.“
    Steinþór Guðbjartsson / Morgunblaðið

  6. Nanna Rögnvaldardóttir

    „Sannkallaður sagnameistari.“
    The Guardian

Skrifa umsögn

Netfang þitt verður ekki birt. Nauðsynlegir reitir eru merktir *