Höfundur: Svava Jakobsdóttir

Í Þjóðminjasafni Dana heyrist brothljóð. Ung íslensk stúlka er handtekin með forsögulegt gullker í höndunum, ómetanlegan þjóðardýrgrip. Móðir hennar fer til Kaupmannahafnar til að leggja henni lið en ferðalagið verður lengra en ætlað var og breytist í leiðangur um goðsagnir og veruleika.

Fortíð og nútíð skarast og renna saman og tveir heimar rekast sífellt á: undirheimar Kaupmannahafnar og helg vé gyðjunnar, sannleikur og lygi, ástin og valdið, veröld kvenna og veröld karla. Þessa mörgu þræði fléttar höfundur saman af mikilli list þar til allt kemur saman í óvæntum endi.

Sigrún Margrét Guðmundsdóttir ritar forvitnilegan eftirmála bókarinnar.