Þú ert hér://Snaran

Snaran

Höfundur: Jakobína Sigurðardóttir

Skáldagan Snaran vakti mikla athygli þegar hún kom út árið 1968. Sagan er eintal – eða öllu heldur samtal þar sem rödd annars þátttakandans heyrist ekki – og er frásagnarformið einstakt í íslenskum bókmenntum.

Við erum stödd í óljósri framtíð. Stóriðja er helsti atvinnuvegurinn og erlent fjármagn og vinnuafl hefur flætt inn í landið. Nöpur ádeila sögunnar kemur ekki síst fram í mannlýsingu sögumannsins, sópara í verksmiðju, orðum hans, skoðunum og viðbrögðum. Hann segir sögu sína og þjóðarinnar, allt frá komu erlends herliðs á stríðsárunum og þeim þjóðfélagsbreytingum sem henni fylgdu og rekur hana allt til samtíma sögunnar. Er sá tími kannski runninn upp nú?

Jakobína Sigurðardóttur (1918–1994) var fædd í Hælavík á Hornströndum en var lengst af ævinnar húsmóðir í Garði í Mývatnssveit. Hún var einn virtasti rithöfundur landsins og sendi frá sér skáldsögur, smásögur og ljóðabækur. Þrjár skáldsagna hennar, Dægurvísa, Snaran og Lifandi vatnið voru valdar sem framlag Íslands til Bókmenntaverðlauna Norðurlandaráðs.

Snaran hefur verið ófáanleg um árabil en kemur nú í Klassíska kiljuklúbbnum.

Verð 2.290 kr.

Gerð SíðurÚtgáfuárVerðMagn
Kilja - 2009 Verð 2.290 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / / / /

2 umsagnir um Snaran

  1. Elín Pálsdóttir

    „Þetta er mjög merkileg bók ..  mér finnst þetta óskaplega vel gert …  algjörlega meistaraleg.“
    Kolbrún Bergþórsdóttir / Kiljan

  2. Elín Pálsdóttir

    „[Jakobína] var náttúrulega algjörlega makalaus höfundur, að hún skuli ekki hafa fengið þann sess að vera talinn einn merkasti höfundur íslendinga á 20. öld það er bara einfaldlega vegna þess að hún var kona norður í landi. … hún var ekki nógu fín fyrir bókmenntahyskið í Reykjavík.“
    Páll Baldvin Baldvinsson / Kiljan

Skrifa umsögn

Netfang þitt verður ekki birt. Nauðsynlegir reitir eru merktir *

Eftir sama höfund