Höfundar: Emma D.E.N.Southworth, Eggert Jóhannsson þýddi

Skapstyggi karlfauskurinn Ira Warfield – Fellibylur – fer að leita að horfnu stúlkubarni sem er erfingi mikilla auðæfa – og finnur frakka og klára götustelpu í New York.

Hann tekur hana með sér heim í Fellibyljahöll og reynir að ala hana upp sem hefðardömu – með æði misjöfnum árangri. En kjarkmikli fjörkálfurinn Kapítóla heillar alla upp úr skónum, hvort sem það er þjónustufólkið, lögregluyfirvöld, yngismaðurinn Herbert Grayson eða ræningjaforinginn ógurlegi, sjálfur svarti Donald …

E.D.E.N. Southworth (1819–1899) var vinsælasti skáldsagnahöfundur Ameríku á sínum tíma og skrifaði yfir sextíu sögur, margar um sjálfstæðar og uppreisnargjarnar stúlkur. Kapitola, eða Upp koma svik um síðir kom fyrst út 1859 og naut frá upphafi gífurlegra vinsælda. Íslendingar kynntust Kapítólu fyrst sem framhaldssögu í Heimskringlu 1896–1897 í þýðingu Eggerts Jóhannssonar og síðan hefur hún komið út mörgum sinnum hér á landi.

Silja Aðalsteinsdóttir sá um þessa útgáfu og ritaði eftirmála.

ATH. Tvær gerðir hljóðbóka eru í boði fyrir þessa vöru. Hljóðbókina má kaupa á geisladiski (CD eða Mp3) sem sendist í pósti en einnig sem streymishljóðbók (Streymi) sem er afhent rafrænt og hægt er að hlusta á beint í gegnum app Forlagsins eða vafra. Hér má lesa meira um hljóðbækur í streymi.

Hljóðbókin er 17 klukkustundir og 41 mínútur í hlustun. Þórunn Hjartardóttir les.