Kátir karlar: sagnir, kveðskapur, gamanmál fjallar um skemmtilega karla, sem höfðu húmorinn í lagi og áttu það sameiginlegt að gleðja samferðafólk sitt með gamanmálum og skemmtiefni.

Höfundur bókarinnar, Bragi Þórðarson fyrrverandi útgefandi, hefur áður safnað efni og ritað margar bækur, þar sem greint er frá eftirminnilegum atburðum og skemmtilegu fólki. Hann þekkir fimm þessara karla persónulega, segir sögur af þeim og birtir eftir þá gamanvísur og annan kveðskap. Þeir eru: Theódór Einarsson, Ragnar Jóhannesson, Ólafur Kristjánsson, Valgeir Runólfsson og Sveinbjörn Beinteinsson.

Sögur af tveimur til viðbótar, Ólafi gossara og Guðmundi Th (Gvendi truntu) hefur höfundur skráð eftir frasögnum samferðafólks. Margar sögur hafa verið sagðar af hnittnum tilsvörum þeirra og kyndugu hátterni.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er um 3 klukkustundir að lengd. Höfundur les.