Þú ert hér://Minn tími: saga Jóhönnu Sigurðardóttur

Minn tími: saga Jóhönnu Sigurðardóttur

Höfundur: Páll Valsson

„Minn tími mun koma!“

Þessi glaðbeittu orð Jóhönnu Sigurðardóttur, sem hún lét falla þegar hún beið lægri hlut í formannskjöri Alþýðuflokksins árið 1994, urðu fleyg. Eftir á að hyggja var gjörvöll starfsævi Jóhönnu hennar tími – og stendur enn.

Jóhanna ólst upp á pólitísku heimili; amma hennar og nafna var í hópi brautryðjenda verkalýðsbaráttu á Íslandi. Hún settist fyrst á þing árið 1978 fyrir Alþýðuflokkinn og var lengi vel ein af fáum konum á Alþingi þar sem baráttumál hennar mættu misjöfnum skilningi. Árið 1987 varð Jóhanna fyrst ráðherra og ávann sér fljótt virðingu fyrir ósérplægni og hugsjónaeld. Hún var farin að huga að starfslokum þegar hún var kölluð til forystu eftir Hrun, varð formaður Samfylkingarinnar árið 2009 og forsætisráðherra í ríkisstjórn sem stóð frammi fyrir geigvænlegri úrlausnarefnum en nokkur önnur ríkisstjórn lýðveldissögunnar.

Minn tími segir frá því sem gerðist á bak við tjöldin, harðvítugum átökum en líka kærleika og samkennd, sigrum og ósigrum. Hér er einnig lýst sálarstríðinu sem fylgdi því að elska aðra konu en geta ekki gert það fyrir allra augliti.

Páll Valsson hefur áður ritað fádæma vinsælar og efnisríkar ævisögur um Vigdísi Finnbogadóttur, Jónas Hallgrímsson og Egil Ólafsson.

Frá 990 kr.

Gerð SíðurÚtgáfuárVerðMagn
Innbundin 384 2017 Verð 4.490 kr.
Rafbók - 2017 Verð 990 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / / /

3 umsagnir um Minn tími: saga Jóhönnu Sigurðardóttur

  1. Árni Þór

    „… saga stjórnmálakonunnar Jóhönnu Sigurðardóttur á erindi til allra Íslendinga … Barátta hennar fyrir þá sem minna mega sín í þjóðfé- laginu verður ávallt í minnum höfð og áhrif hennar í kvenréttindabaráttunni verða aldrei ofmetin. Jóhanna Sigurðardóttir er án efa einn mikilvægasti stjórnmálamaður sem Ísland hefur átt og án efa mikilvægasta stjórnmálakonan.“
    Trausti Salvar Kristjánsson / DV

  2. Árni Þór

    „Feykilega mikilvæg bók um damatískan kafla í okkar samtímasögu … verður æ því betri sem lengra líður og síðasti parturinn ekkert minna en stórglæsilegur.“
    Einar Kárason / FB

  3. Árni Þór


    „Sérlega vel unnin ævisaga og áhugaverð lesning fyrir þá sem hafa áhuga á að vita hvernig margar af mikilvægustu ákvörðunum síðari tíma voru teknar … afar yfirgripsmikil bók … fengur fyrir þá sem hafa áhuga á að fá innsýn í hvernig afburðastjórnmálamaður verður til.“
    Anna Lilja Þórisdóttir / Morgunblaðið

Skrifa umsögn

Netfang þitt verður ekki birt. Nauðsynlegir reitir eru merktir *