Er ekki skrýtið að mikið og frægt skáld hafi einu sinni verið lítill pottormur sem fyllti nefið af pipar og gæddi sér á hundamjólk? Flestir krakkar þekkja nafn Halldórs Laxness en fáir vita nokkuð meira um hann. Hér dregur Auður Jónsdóttir upp einstaka mynd af Halldóri afa sínum, bæði sem litlum dreng og þeim gamla manni sem hún þekkti, í hlýrri og bráðskemmtilegri bók sem öll fjölskyldan mun hafa gaman af.

Skrýtnastur er maður sjálfur hlaut viðurkenningu Upplýsingar sem besta fræðibókin fyrir börn þegar hún kom fyrst út, var útnefnd besta frumsamda barnabókin hjá bóksölum og tilnefnd til Íslensku bókmenntaverðlaunanna.