Þegar mamma mín dó
| Gerð | Útgáfuár | Síður | Verð | Magn | |
|---|---|---|---|---|---|
| Rafbók | 2025 | - | 3.990 kr. | ||
| Innbundin | 2025 | 91 | 6.290 kr. |
| Gerð | Útgáfuár | Síður | Verð | Magn | |
|---|---|---|---|---|---|
| Rafbók | 2025 | - | 3.990 kr. | ||
| Innbundin | 2025 | 91 | 6.290 kr. |
Um bókina
Þegar mamma mín dó er einlæg lýsing höfundar á þeirri sáru reynslu að fylgja dauðvona móður sinni gegnum veikindi og sitja við hlið hennar við andlátið. Áhrifarík frásögnin er í senn persónuleg og opinská um þær sterku tilfinningar sem togast á þegar dauðinn knýr dyra; ást og umhyggju, samviskubit og vanmátt. Um leið er fjallað um það kerfi sem við höfum búið fólki sem á skammt eftir ólifað og álagið og ábyrgðina sem hvílir á aðstandendum við þær aðstæður.
Sigrún Alba Sigurðardóttir hefur starfað við háskólakennslu og sýningarstjórn um árabil. Hún hefur áður sent frá sér fjölda bóka um listir, menningu og söguleg efni, seinast Snjóflygsur á næturhimni sem kom út árið 2022, en nýjasta bók hennar er skáldsagan Sumarblóm og heimsins grjót frá 2023.
5 umsagnir um Þegar mamma mín dó
Fanney Benjaminsdottir –
„Áhrifarík frásögnin er í senn persónuleg og opinská um þær sterku tilfinningar sem togast á þegar dauðinn knýr dyra; ást og umhyggju, samviskubit og vanmátt.”
Ragna Gestsdóttir / DV
Fanney Benjaminsdottir –
„Það er vandi að lýsa svo persónulegri og sárri reynslu eins og frásögnin hefst á án þess að falla ofan í tilfinningaþrunginn harmstíl sem kannski á lítið erindi út fyrir þrengsta hóp ættingja en Sigrún Alba leysir verkefnið vel. Texti hennar er bæði fallegur og yfirvegaður enda er hún reyndur rithöfundur.”
Soffía Auður Birgisdóttir / Víðsjá
Fanney Benjaminsdottir –
„Einstakt verk sem fjallar um reynslu höfundar af því að fylgja móður sinni síðasta spölinn. Um er að ræða einlæga og opinskáa lýsingu á þeim sterku tilfinningum sem kvikna í tengslum við dauðann og það að kveðja; bæði ást og umhyggju en einnig líðan á borð við samviskubit og vanmátt. Bókin á brýnt erindi við samtímann.”
Umsögn dómnefndar Íslensku bókmenntaverðlaunanna
Fanney Benjaminsdottir –
“Sigrún Alba er einstaklega lipur og ritfær höfundur og ferst það vel úr hendi að draga upp allt hið góða, erfiða, slæma og ljúfsára við umönnun dauðveikrar manneskju. Að auðsýna kærleika á slíkum stundum tekur oft á en gefur einnig mikið. Þetta er hjartnæm frásögn, eftirminnileg og hrífandi.”
Steingerður Steinarsdóttir / Lifðu núna
Fanney Benjaminsdottir –
“Þegar mamma mín dó er falleg og einlæg frásögn, um samband höfundar við fullorðna foreldrana, um lífið og dauðann og margs konar tilfinningar sem viðskilnaðurinn vekur.”
“… eflaust getur frásögn hennar hjálpað öðrum og stutt þar sem þeir takast á við dauðann sem ekkert okkar getur forðast.”
Einar Falur Ingólfsson / Morgunblaðið