Í svipmyndum, samtölum og minningaleiftrum bregður Ólafur Ragnarsson upp mynd af rithöfundinum og manninum Halldóri Laxness. Hér er að stærstum hluta byggt á kynnum þeirra í tæp þrettán ár, samskiptum skálds og útgefanda. Lesandinn fylgir Ólafi til fundar við Halldór, fylgist með samtölum þeirra og nýtur þess að vera í glaðlegri návist Nóbelsskáldsins.
Þar sem við á er smeygt inn í samtölin stuttum brotum úr óbirtum einkabréfum Halldórs, nótissuheftum, handritum og bókum eða tilvitnunum í aðrar heimildir til glöggvunar. Líklega eru í þessari bók síðustu óbirtu samtölin við Halldór Laxness – og einhver þau skemmtilegustu.