Þú ert hér://Allt fer

Allt fer

Höfundur: Steinar Bragi

Í Allt fer birtist ástin í öllum sínum myndum. Stundum slokknar hún, persónur fara í hundana eða finna hamingjuna. Þær leita að sjálfum sér á flugvöllum og í fjarlægum klaustrum, í köttum og ljónum, skáletruðum punkti og gráti annarra. Geldingur í kvennabúri soldánsins leitar lausnar, ungt fólk leitar að samastað í tilverunni og meira að segja djöfullinn er friðlaus.

Steinar Bragi hefur gefið út fjölmargar bækur sem hafa notið mikillar hylli innan lands og utan. Ímyndunarafl hans þekkir engin landamæri og í þessum nítján smásögum nýtur það sín til hins ýtrasta.

Verð 3.490 kr.

Gerð SíðurÚtgáfuárVerðMagn
Innbundin3512016 Verð 3.490 kr.
Kilja3512017 Verð 3.490 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / / / / / / /

11 umsagnir um Allt fer

  1. Árni Þór

    „Betri umsögn veit ég ekki um bók en einmitt það, við lesturinn gleymist bæði staður og stund, lesandi fjarflyst inn í atburðarásina og þarf virkilega að hafa sig allan við til að komast heill heim.“
    Jóel Enok Kristinsson / Starafugl

  2. Árni Þór

    „… svo vel heppnaðar að líkja mætti við bjarkarilm í Þingvallahrauni eða purpuralog á Esjuhimni.“
    Björn Þór Vilhjálmson / Hugrás

  3. Árni Þór

    „… fallegar sögur, ljótar, skemmtilegar, með góðum endi og vondum og auðvitað allt þar á milli. Steinar Bragi er frábær rithöfundur. Hér tekst honum að skapa svo fjölbreyttan og skemmtilegan heim að lesandann langar í meira að lestri loknum …“
    Guðríður Haraldsdóttir / Vikan

  4. Árni Þór


    „Geipigott smásagnasafn sem fer með lesandann langt út fyrir þægindarammann … Allt fer er því kjörið lestrarefni fyrir þá sem lesa bara eina bók á ári; hér eru viðfangsefni fjöldans alls af skáldsögum þjöppuð saman í neytendavænar pakkningar …. Helvíti vel gert.“
    Friðrika Benónýsdóttir / Fréttablaðið

  5. Kristrún Heiða Hauksdóttir


    „… nýtt smásagnasafn Steinars Braga sætir tíðindum. Viðfangsefnið er sígilt en nálgunin er svo teprulaus og hugmyndarík að úr verður algjört dínamít … krassandi og innihaldsríkar.“
    Gripdeild.is

  6. Árni Þór

    „Steinar Bragi er óumdeilanlegur sagnameistari sem heldur lesanda við efnið í hverri sögunni á fætur annarri einfaldlega vegna þess að hann býr yfir stílgáfu sem fáir aðrir hafa tök á. Ímyndunarafl hans er takmarkalaust, hann sprengir áður óþekktar víddir sem bæði skelfa og hrella. Eitt er víst; Þótt margir yfirgefi sjálfa sig og aðra í Allt fer eftir Steinar Braga fer texti höfundar ekki svo glatt úr hugskoti lesanda.“
    Sigríður Albertsdóttir / Víðsjá

  7. Árni Þór

    „Stundum finnst manni Steinar Bragi hafa meiri hæfileika í litla putta en margir aðrir í öllum skrokknum.“
    Egill Helgason / Kiljan (um Himininn yfir Þingvöllum)

  8. Árni Þór

    „Rosaleg bók!“
    Þorgeir Tryggvason / Kiljan

  9. Árni Þór

    „Brjálæðislega flott tilþrif í stíl … honum tekst að slá á svo marga strengi í einni bók … Það er svo rosalega sterk tjáning og sterkur tónn í þessu.“
    Egill Helgason / Kiljan

  10. Árni Þór

    „Þær lifa alveg ótrúlega sögurnar hans Steinars Braga … Steinar Bragi er manna flinkastur að magna upp stemmningu og andrúmsloft … Hérna gerist einhver galdur … Hann nær að magna upp þessa stemmningu í hverri sögunni á fætur annarri …“
    Sunna Dís Másdóttir / Kiljan

  11. Árni Þór


    „… hugmyndaauðgi, eindrægni og hugrekki við að fylgja bæði fantasíum og nístingsköldum raunveruleikablæ eftir allt til enda eru aðalsmerki sem staðsetja Steinar í sérflokki íslenskra höfunda … besta smásagnasafn sem ég hef lesið fyrir þessi jól … Allt fer er smásagnasafn sem stendur ekki á nokkurn hátt að baki hinum stóru skáldsögunum að gæðum … Það er því gríðarlegt örlæti á hugmyndir og orku sem maður upplifir við lestur bókarinnar … þess vegna er líka hægt að segja blákalt að í verkinu í heild sé svo mikið af snilld að það sé nánast óafsakanlegt að gefa ekki fullt hús stiga.“
    Arnaldur Máni Finnsson / DV

Skrifa umsögn

Netfang þitt verður ekki birt. Nauðsynlegir reitir eru merktir *

Eftir sama höfund