Höfundur: Árni Þórarinsson

Þegar Einar blaðamaður er rekinn nauðugur í frí eygir hann tækifæri til það afla svara við spurningum sem legið hafa þungt á honum. Hann hyggst leita uppi dularfullan lögfræðing, Alfreð G. Hauksson, sem heldur sig í felum á Spáni. Þangað heldur Einar í sólarferð með Gunnsu dóttur sinni, en er rétt sestur í makindum með Jim Beam í kóki þegar válegir atburðir gerast í íslenska hópnum. Það er upphafið að martraðarkenndri atburðarrás þar sem enginn og ekkert er eins og sýnist.

Hvíta kanínan er sjálfstætt framhald bókarinnar Nóttin hefur þúsund augu, í senn spaugileg lýsing á íslenskum ferðalöngum og áhrifamikil sakamálasaga um skelfileg myrkraverk og ranghverft mannlíf.