EKKI ER ALLT SEM SÝNIST!

Þegar Gustav Bolinder, eigandi fjölskyldufyrirtækis á Värmlandi, smellir á hlekk í tölvupósti blasir við honum skelfileg sjón. Í beinu streymi má sjá fullorðna dóttur hans hlekkjaða við steyptan vegg. Mannræninginn krefst lausnargjalds og hótar að drepa dótturina verði lögreglan kölluð til.

Fjölskyldan ákveður að fara að fyrirmælum mannræningjans og borga. En málið tekur óvænta stefnu þegar John Adderley, fulltrúi hjá lögreglunni í Karlstad, bankar upp á. Lík hefur fundist í skotti yfirgefins bíls og í ljós kemur að fórnarlambið tengist hinni rændu dóttur. Lögreglan vill að sjálfsögðu fá að vita hvar hún er niðurkomin.

Þannig hefst fimmta glæpasaga Mohlin & Nyström um fyrrverandi FBI-fulltrúann John Adderley. Á fáeinum spennuþrungnum dögum rannsakar hann mál þar sem hvert leyndarmálið af öðru kemur upp á yfirborðið. Sem fyrr bjóða höfundarnir upp á vel fléttaða og sterka sögu, óvæntar vendingar og litríkar persónur.

Friðrika Benónýsdóttir þýddi.

Mohlin & Nyström eru í hópi bestu Glæpasagnahöfunda Svíþjóðar