Höfundur: Sjón

Leó Löwe flóttamaður af gyðingaættum, kemur til Íslands í seinni heimsstyrjöldinni með hattöskju er geymir lítinn leirdreng, sem Leó vill fyrir alla muni vekja til lífsins. Til þess þarf hann að leysa ýmsar þrautir og eignast um leið ólíklegustu bandamenn og andstæðinga. Úr verður spennandi ferð um Ísland eftirstríðsáranna þar sem margar litríkar persónur koma við sögu.

Með titrandi tár er allt í senn: söguleg skáldsaga, frásögn með goðsögulegum blæ, og frumleg og fyndin spennusaga. Hún er sjálfstætt framhald af verðlaunaverki Sjóns, Augu þín sáu mig.