Bæta á óskalistaEr á óskalista
Bæta á óskalista
Skriftir
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2016 | 191 | Original price was: 3.490 kr..690 kr.Current price is: 690 kr.. |
Skriftir
Original price was: 3.490 kr..690 kr.Current price is: 690 kr..
Bæta á óskalistaEr á óskalista Bæta á óskalista
Bæta á óskalista
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2016 | 191 | Original price was: 3.490 kr..690 kr.Current price is: 690 kr.. |
Um bókina
Skriftir er fyrst og fremst lofgjörð um íþróttina að skrifa, kraftaverkið að fanga skynjun, reynslu og tilfinningu í jafn ólíklegt efni og orð. Til að sá fyrstu frækornum þeirrar listar þurfti hvorki meira né minna en heilt skólakerfi með ofuráherslu á heimaritgerðina. Og þegar skólanum sleppti tók við samfélag sem fagnaði skáldskapnum.
Pétur Gunnarsson er hér persónulegri en áður – og lýsir ekki aðeins fyrstu skrefum sínum inn á ritvöllinn heldur líka viðkvæmum mótunarárum þegar sjálfsvitundin tekur heljarstökk, hormónarnir fara á flug og allir strengir titra.
Hér er það lífið sjálft, hversdagurinn í öllum sínum hátíðleika, sem verður honum að yrkisefni.
5 umsagnir um Skriftir
Árni Þór –
„… ekkert er sjálfsagt eða auðvelt við það hvernig Pétri tekst að veita kímni og kærleika inn í tungumálið svo að lýsingar á hversdagslegum atburðum bókstaflega ljóma af ástúð … Afrekið felst að hluta til í því sem ekki er gert –veruleikatenging er ekki rofin, flóknir hlutir ekki smættaðir í væmni og klisjur – og svo í því að hafa fundið hjáleið í kringum það gríðarstóra vandamál að ætla að færa í orð það sem engin orð geta náð yfir.“
Björn Þór Vilhjálmsson / Hugrás
Árni Þór –
„Bernskan öll og æskan er bráðskemmtilegar í meðförum Péturs, ekki spilla fyrir ótrúlegustu úrklippur, bréf og miðar sem hann kryddar frásögnina með … Pétur er skemmtilegur penni – en honum ferst líka vel að róa á djúpin og hefur hann varla verið persónulegri í skrifum sínum áður … Sem saga af því þegar skáld verður til er bókin einkar ánægjuleg lesning – en það er hún í rauninni hvernig sem svo sem maður snýr henni.“
Maríanna Clara Lúthersdóttir / Morgunblaðið
Árni Þór –
„Það er eitthvað við það hvernig Pétur Gunnarsson skrifar. Eitthvað við hlýjuna og kímnina í því hvernig hann sér heiminn og miðlar honum … Sumar setningarnar eru svo fagurmótaðar að þær ættu heima í sérprenti, svona „Gullkorn úr penna Péturs Gunnarssonar“, eða á einhverjum stað í heilanum þar sem væri auðvelt að grípa til þeirra þegar þarf að lýsa einhverju eins og best verður á kosið … Falleg og skemmtileg bók um það hvernig fólk verður að sjálfu sér.“
Brynhildur Björnsdóttir / Fréttablaðið
Árni Þór –
„Fyrir aðdáendur Péturs er þetta eins og fjársjóðskort … Ég heillast af þessum heimi, þessi innliti inn í hugskot Péturs …“
Þorgeir Tryggvason / Kiljan
Árni Þór –
„Einn af okkar öndvegishöfundum.“
Egill Helgason / Kiljan