ferð í fötin fyrir þriðja vekjara
stoppar eftir fimmta kaffibolla
sjöunda bjór

sturtar þig
alltaf
þegar þú byrjar að forðast það

og færð þér göngutúr

býrð þér til reglur

reglur
til að fylla dagatöl
brosköllum

mánuðirnir

brekka
til að rúlla niður

Brynjar lýsir heiminum í einföldum setningum. Án kaldhæðni eða stæla sýnir hann okkur sitt skrítna, tæra sjónarhorn. Sjónarhorn sem er jú kirfilega niðurnjörvað inn í hversdagsleika Laugardalsbúa en fjarrænt og súrrealískt á sama tíma. Útkoman er sú að alvarlegustu málefni verða hjóm, tölvupóstar breytast í merka viðburði, suð í ísskápum verður að skynbrenglandi katastrófum og hlutirnir riðlast úr samhengi og endurraða sér svo aftur á skynsamlegri og eðlilegri hátt -að því er virðist alveg óvart.

– Almar Steinn Atlason, myndlistamaður.