Þú ert hér://Síðasta ástarjátningin

Síðasta ástarjátningin

Höfundur: Dagur Hjartarson

Við Kristín urðum samferða heim af mótmælunum.
Þögðum upp Tjarnargötu.
„[Eitthvað um blik stjarnanna og myrkrið á milli þeirra],“ sagði Kristín.
„[Eitthvað stolið um undrið sem sundrar stjörnunum],“ sagði ég.
Við kysstumst.

Ungur maður flytur til Reykjavíkur og verður þátttakandi í óvenjulegu verkefni æskuvinar síns. Á sama tíma fellur hann fyrir Kristínu. Tilveran er skáldleg, hvert andartak ort.

Síðasta ástarjátningin er allt í senn falleg, fyndin og spennandi skáldsaga um ástina, listina og lífið.

Dagur Hjartarson hefur áður sent frá sér ljóð og sögur, hlotið Bókmenntaverðlaun Tómasar Guðmundssonar og Nýræktarstyrk Miðstöðvar íslenskra bókmennta. Með þessari skáldsögu skipar hann sér á bekk með áhugaverðustu höfundum þjóðarinnar.

Frá 990 kr.

Gerð SíðurÚtgáfuárVerðMagn
Kilja2402016 Verð 3.490 kr.
Rafbók-2016 Verð 990 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / / / /

6 umsagnir um Síðasta ástarjátningin

  1. Árni Þór

    „Síðasta ástarjátningin er kannski í grunninn ástarsaga en ástarsagan er þó lítið annað en striginn þar sem hvert orð er pensilrák, hver setning litbrigði og hver málsgrein birtir okkur brot af margbrotnu ljóðrænu listaverki Dags Hjartarsonar. Maður dáist að myndmálinu … Síðasta Ástarjátningin er falleg skáldsaga um ástina, pólitík og Davíð Odsson.“
    Svanhildur Sif Halldórsdóttir / Hugrás

  2. Árni Þór

    „Þetta er hugljúf saga en ekki öll þar sem hún er séð. Í henni eru ansi djúpar pælingar sem gaman er að, s.s. um umhverfismál og aktívisma … Stíllinn er aðalsmerki sögunnar, það er orðið nokkuð langt síðan maður hefur séð svo mikla viðleitni til nýsköpunar í málinu, varla síðan Hallgrímur skrifaði Hellu 1990 … Margt er afar fallegt í þessari bók.“
    Steinunn Inga Óttarsdóttir / Kvennablaðið

  3. Árni Þór

    „Skemmtileg vorbók.“
    Egill Helgason / Kiljan

  4. Árni Þór

    „Þetta er skemmtileg bók, fjölbreytilegur söguþráður … Langt síðan ég hef lesið eitthvað jafnfallegt í einfaldleika sínum.“
    Jórunn Sigurðardóttir / Orð um bækur

  5. Árni Þór

    ★ ★ ★ 1/2
    „… full af frumlegheitum og textinn ein ljóðræn unaðslesning … sagan góð, full af húmor og höfundur hefur skemmtilega sýn á hið mannlega og góð tök á tungumálinu sem gerir Síðustu ástarjátninguna að frábærri ástarsögu í mörgum skilningi; ást milli stráks og stelpu, tveggja vina, hatursást á landi og þjóð og Davíð Oddssyni.“
    Ingveldur Geirsdóttir / Morgunblaðið

  6. Árni Þór

    ★ ★ ★ ★
    „Síðasta ástarjátningin er fallega skrifuð bók, full af pælingum, þunglyndi, fyndni, ljóðbrotum og ást.“
    Brynhildur Björnsdóttir / Fréttablaðið

Skrifa umsögn

Netfang þitt verður ekki birt. Nauðsynlegir reitir eru merktir *

Eftir sama höfund