BÓK SEM VIRKAR EINS OG TÖLVULEIKUR
➣ ÞVÍ ÞÚ RÆÐUR HVAÐ GERIST

Þinn eigin tölvuleikur er bók! Bara öðruvísi en aðrar bækur. Hér ert þú söguhetjan og ræður ferðinni. Þú sogast inn í stórhættulegan tölvuleik og til að komast aftur heim þarftu að berjast við uppvakningaher, sleppa frá mannætuplöntum, leysa óleysanlega ráðgátu, temja dreka og vinna landsleik í fótbolta!

➣ Yfir 120 mismunandi endar.
➣ Sögulok spanna allt frá eilífri hamingju að bráðum bana.
➣ Ævintýralega góð skemmtun fyrir alla krakka.

Þinn eigin tölvuleikur er sjötta bókin í einum vinsælasta íslenska bókaflokki síðari ára, en fyrri bækurnar hafa hlotið fjölda viðurkenninga.

Ævar Þór Benediktsson er margverðlaunaður höfundur. Hann hefur hlotið Bókaverðlaun barnanna og Bóksalaverðlaunin, verið tilnefndur til Íslensku bókmenntaverðlaunanna og Barnabókaverðlauna Reykjavíkur og valinn einn af bestu yngri barnabókahöfundum Evrópu og í hóp framúrskarandi ungra Íslendinga.

Meistaralegar myndir gerir Evana Kisa.