Sólskinshestur er áhrifamikil saga um ástlausan uppvöxt í stóru húsi og óhöndlanlega hamingju; um draumóra og kaldan veruleika, æskuást sem týnist og birtist á ný, djúpa sorg – og um dauðann. Ástin er dýrasta djásnið og ástarþráhyggjan sem heltekur hugann, ljúf og sár, verður að skjólvegg sem lokar úti lífið. Hamingjan er alltaf fyrir handan.

Fáir íslenskir höfundar eiga jafn greiða leið að hjartarótum lesenda og Steinunn Sigurðardóttir. Skáldsögur hennar eru ljóðrænar og leikandi, fullar af húmor og glöggskyggni, viðkvæmni og visku. Sólskinshestur er ein skærasta perlan í höfundarverki hennar og var tilnefnd til Íslensku bókmenntaverðlaunanna þegar hún kom fyrst út árið 2005. Guðrún Steinþórsdóttir bókmenntafræðingur ritar eftirmála.

ATH. Spurt og svarað um rafbækur.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 3 klukkustundir og 28 mínútur að lengd. Höfundur les.