Höfundur: Jónas Reynir Gunnarsson

Þvottadagur er síðasti kafli ljóðabókaþríleiks sem hófst með Leiðarvísi um þorp og hélt áfram í Stórum olíuskipum. Bókin lýsir ferðalagi milli þorps og borgar, drauma og veruleika, bernskuminninga og ástarsambanda, og meðal viðfangsefna má nefna dekkjaverkstæði, sorphirðu Reykjavíkurborgar og Michael Jordan. Ferðast er um innri og ytri veruleika í átt að áfangastað og umhverfið dregið upp með sterkum myndum.

Jónas Reynir Gunnarsson er frá Fellabæ. Fyrir ljóðabókina Stór olíuskip hlaut hann Bókmenntaverðlaun Tómasar Guðmundssonar. Hann hefur einnig gefið út ljóðabókina Leiðarvísir um þorp og skáldsögurnar Millilendingu og Krossfiska.

Kápa: Hjálmar Kakali Baldursson.