Bitur vetur í Linköping. Óleyst morðmál kemur á borð Malin Fors og félaga hennar í lögreglunni. Fyrir fimm árum hafði lík ungs drengs fundist á víðavangi. Nánast öll bein í líkama hans höfðu verið brotin. Enginn vissi hver hann var og rannsókn lögreglunnar miðaði lítt áleiðis. En dag einn hefur kona í Alsír samband og segist vera móðir drengsins.

Sem fyrr er Malin Fors þjökuð af eigin djöflum. Eftir því sem hún sogast dýpra í rannsókn málsins eru blekkingar á hverju horni. Ekkert virðist vera eins og það er við fyrstu sýn. Ógnin færist sífellt nær og ekki er alltaf ljóst hver er veiðimaðurinn eða bráðin.

Mons Kallentoft er einn af þekktustu rithöfundum Svíþjóðar. Ritröð hans um Malin Fors hefur notið mikilla vinsælda víða um lönd. Villuljós er fjórtánda bókin um Malin Fors en hinar tólf – Sumardauðinn, Haustfórn, Vetrarblóð, Vorlík, Fimmta árstíðin, Englar vatnsins, Sálir vindsins, Moldrok, Brennuvargar, Vítisfnykur, Böðulskossinn, Himinópið og Satanskjaftar – hafa selst í milljónum eintaka og verið þýddar á fjölda tungumála.

Jón Þ. Þór íslenskaði.