Fagurt ævintýri um ást frjósemisguðsins Freys til jötnameyjarinnar Gerðar sem minnir hann á sólina. Í svartasta skammdeginu ræðst þjónn Freys í svaðilför til að biðja Gerðar og færa ljósið inn í líf hans. Sagan er sótt í sagnaarf Eddukvæða og bregður birtu á jól heiðinna manna.

Þetta er í fyrsta sinn sem sagan um það þegar ljósið sigrar myrkrið er kynnt íslenskum börnum á skýran og einfaldan hátt. Bókin er í stóru broti, myndskreytt af litagleði og næmni og skilur eftir sig hlýju við lesturinn.

Einstök bók fyrir þá sem vilja kynna sér norrænu goðafræðina og tengingu hennar við náttúruöflin.