Höfundur: Birna Anna Björnsdóttir

„Þegar ég áttaði mig á því að ég var lent í alltof flóknu sambandi við alltof gamlan mann ákvað ég að gera það sem allar skynsamar konur gera: flýja land.“

Þannig hefst saga Báru sem stendur á tímamótum og þarf að takast á við þau margvíslegu fyrirframgefnu hlutverk sem bíða ungrar konu. Grátbrosleg og fjörug saga um vandann að velja.

Birna Anna Björnsdóttir var ein þriggja höfunda skáldsögunnar Dís sem sló rækilega í gegn árið 2000, en eftir henni var nýlega gerð vinsæl kvikmynd.