Þú ert hér://Vistarverur

Vistarverur

Höfundur: Haukur Ingvarsson

alltaf eru þau á sveimi
í höfðinu á mér

hreindýrin
í þokunni

þefvís en blind
í þöglum söfnuði

hvað ætli horn þeirra nemi
þessi gríðarstóru loftnet
sem tróna yfir lággróðrinum

ilmandi lyngi
stingandi strái
kitlandi punti

þetta sokkna land
á samastað
djúpt
djúpt
í hugarfylgsnum mínum

Með þessari bók kemur skáldið með ferskan og frjóan andblæ inn á ljóðasviðið. Ort er um hinar ýmsu vistarverur innra með manneskjunni sem og úti í hinum stóra heimi og dregnar eru upp myndir sem eru í senn margræðar og skemmtilega óvæntar. Höfundur hefur áður sent frá sér skáldsögu og fræðirit en hér er á ferð önnur ljóðabók hans og fyrir hana hlaut hann Ljóðaverðlaun Tómasar Guðmundssonar 2018.

Haukur Ingvarsson (f. 1979) er að jöfnum hlutum íkonaklast og hefðarsinni, náttúruskáld og borgar-, alvöruþrunginn menntamaður og glottandi hirðfífl. Hann lauk meistaraprófi í íslenskum bókmenntum árið 2005 og hefur síðan fengist við ritstörf og dagskrárgerð í útvarpi. Fyrsta ljóðabók Hauks, Niðurfall og þættir af hinum dularfulla Manga, kom út 2005 og í kjölfarið komu fræðibókin Andlitsdrættir samtíðarinnar: Síðustu skáldsögur Halldórs Laxness (2009) og skáldsagan Nóvember 1976 (2011). Hann leggur stund á doktorsnám í íslenskum bókmenntum og skrifar um viðtökur Williams Faulkner á Íslandi. Haukur er ekki bara einstakt skáld í sinni eigin kynslóð og meðal þeirra sem liðnar eru undir lok, heldur ekki síður þeirra sem enn eru að hleypa heimdraganum, ófæddra og ófyrirséðra.

Verð 3.390 kr.

Gerð SíðurÚtgáfuárVerðMagn
Mjúkspjalda 85 2018 Verð 3.390 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkur:

8 umsagnir um Vistarverur

  1. gudnord


    „Vistarverur er sérlega vel hugsað og útfært verk, og ljóðin og hönnun bókarinar vinna afar vel saman.“
    Einar Falur Ingólfsson / Morgunblaðið

  2. gudnord

    „… er þessi bóks Hauks rammgöldrótt – og fyrsta galdurinn má finna strax framan á kápunni.“
    Ásgeir H. Ingólfsson / Reykjavíkurblaðið

  3. gudnord

    „Þetta er svona gæsahúðarbók á köflum … ofsalega flott bók.“
    Þorgeir Tryggvason / Kiljan

  4. gudnord

    „Mér finnst þetta ofboðslega fallegt … Ég er mjög hrifin af þessari bók.“
    Sunna Dís Másdóttir / Kiljan

  5. Arnar Tómas

    „Bókin er einstaklega falleg bæði í útliti og efnistökum.“

    Linda Vilhjálmsdóttir

  6. Arnar Tómas

    „…ljóðmælandinn er heiðarlegur, heiðarlegur gagnvart sinni mannlegu eigingirni, og gerir enga tilraun til að skamma lesandann eða setja sig í dómarasæti. Sem er líklega skilvirkasta leiðin til að sannfæra.“

    Fríða Ísberg

  7. Arnar Tómas

    „Jafngóð ljóðabók kemur sjaldan út í okkar litla landi.“

    Sölvi Björn Sigurðsson

  8. Arnar Tómas

    „Hrikalega vel heppnuð bók.“

    Dagur Hjartarson

Skrifa umsögn

Netfang þitt verður ekki birt. Nauðsynlegir reitir eru merktir *

Eftir sama höfund