Höfundur: Gerður Kristný

Gerður Kristný er eitt ástsælasta samtímaskáld okkar, enda er hún meistari þeirrar listar að draga upp frumlegar ljóðmyndir af því almenna og sammannlega.

Heimskaut er safn nýrra ljóða þar sem víða er leitað fanga – í heimskautaferðum, blíðri og óblíðri náttúrunni og sögulegum atburðum.

Heimskaut er níunda ljóðabók Gerðar Kristnýjar. Fyrir síðustu bók sína, Sálumessu (2018), var hún tilnefnd til Íslensku bókmenntaverðlaunanna í þriðja sinn en þau verðlaun hlaut hún fyrir Blóðhófni (2010), sem jafnframt var tilnefnd til Bókmenntaverðlauna Norðurlandaráðs.

Ljóð Gerðar eru meitluð og djúp en tala þó skýrt til lesandans. Þau hafa verið þýdd á fjöldamörg tungumál og komið út víða um heim.