Höfundur: Hallgrímur Helgason

Böddi Steingríms snýr aftur heim á Sauðárkrók eftir tíu ára námsdvöl í Þýskalandi og fer að kenna við Fjölbrautaskólann. En Krókurinn reynist of lítill staður fyrir svo stóryrtan mann og Bödda er sagt upp störfum eftir að hafa gengið fram af nemendum í helgarferð þar sem hann lét þá gista í Grettishelli til þess að lifa sig inn í söguna. Böddi er andans maður í ríki efnishyggjunnar og fær útrás á bloggsíðu sinni þar sem hann beinir spjótum sínum að nútímaþjóðfélaginu eins og það leggur sig. Og einn góðan veðurdag segir hann því stríð á hendur …

Rokland er saga um einmana uppreisnarmann sem er of gáfaður fyrir Krókinn, of reiður fyrir Reykjavík og of hreinskilinn fyrir Ísland.

Bókin var tilnefnd til Íslensku bókmenntaverðlaunanna árið 2005. Hún hlaut einnig tilnefningar til Bókmenntaverðlauna Norðurlandaráðs og Menningarverðlauna DV.