Kærastinn á einmana móður
hann vill kynna hana fyrir pabba mínum
þau gifta sig um vor
í fölbleikri dragt
með daufbláa slaufu
hvorugt þeirra bjóst við að finna aftur ástina
sem er barnsgrátur
óþolandi skerandi
org
í nóttinni.
Kærastinn er rjóður er fimmta ljóðabók Kristínar Eiríksdóttur, en hún hefur einnig skrifað leikrit og skáldsögur. Verk hennar hafa fengið góðar viðtökur og verið þýdd á fjölda tungumála. Fyrir síðustu bók sína, Elín, ýmislegt, hlaut Kristín Íslensku bókmenntaverðlaunin og Fjöruverðlaunin.
Arnar –
„Höfundur vekur lesandann til umhugsunar um ást og ástleysi, nánd og fjarlægð og það sem ástin skilur eftir þegar hún er horfin á braut.“
Ragnhildur Þrastardóttir / Morgunblaðið