Höfundur: Fríða Ísberg

Slitförin er fyrsta ljóðabók Fríðu Ísberg, handhafa Nýræktarstyrks árið 2017.

„Slitförin er safn ljóða sem fjalla á ágengan hátt um togstreituna við að brjótast undan áhrifavöldum bernskunnar og finna leiðina að eigin sjálfi. Leiðarstef verksins er sársaukinn sem sprettur úr nístandi sorg milli barns og foreldris. Ljóðin taka pláss, sýna afstöðu og grípa lesendur föstum tökum.“ – úr umsögn dómnefndar við afhendingu Nýræktarstyrks.